BAYRAQDAR MEDİA – Ukraynanın Ankaradakı səfiri Nariman Celal Türk Əməkdaşlıq və Koordinasiya Agentliyinin (TİKA) sədri Abdullah Erenlə görüşüb. Görüş TİKA-nın ev sahibliyi ilə keçirilib.
Bu barədə Kırım Haber Ajansı məlumat yayıb.
Məlumata görə, səfir N.Celal bildirib ki, TİKA Rusiyanın təcavüzünə baxmayaraq Ukraynada dəyərli fəaliyyətlərini davam etdirir:“Ukraynaya göstərdiyi dəstəyə və vətəndaşlarımıza fayda verən dostluq layihələrinə görə TİKA-ya səmimi təşəkkürümüzü bildiririk.”
O, həmçinin A.Erenlə mövcud layihələri və gələcək əməkdaşlıq imkanlarını da müzakirə etdiklərini qeyd edib.
