BAYRAQDAR MEDİA – Azərbaycanın Kars Baş konsulluğu və Qafqaz Universitetinin birgə təşkilatçılığı ilə hazırlanmış “Aras’ın Öte Yanı” adlı sənədli film və konsert proqramı sentyabrın 23-də, saat 19:00-da Qafqaz Universiteti Ahmet Arslan Konqres və Mədəniyyət Mərkəzində keçiriləcək.
Bu barədə universitetdən bildirilib.
Qeyd edilib ki, proqram çərçivəsində rejissor Əli Parimin ekranlaşdırdığı qısametrajlı sənədli film nümayiş olunacaq: “Ardınca Araz çayı haqqında yazılmış əsərlərdən ibarət xüsusi konsert təqdim ediləcək. Film və konsert tamaşaçılara Arazın hər iki sahilindəki dərdləri, xatirələri və ortaq mədəni dəyərləri duyğusal bir yolçuluqla çatdıracaq. Tədbir həm qarslı sənətsevərlərə, həm də bütün ictimaiyyətə açıq olacaq”.
