Türkiyə Müdafiə Nazirliyi Qarabağ müharibəsi qəhrəmanlarının xatirəsini anıb
BAYRAQDAR MEDİA – Türkiyənin Milli Müdafiə Nazirliyi Azərbaycanın ərazi bütövlüyü və suverenliyi uğrunda mübarizədə şəhid olmuş qəhrəmanların xatirəsini ehtiramla yad edib.
Bu barədəTürkiyə Müdafiə Nazirliyi sentyabrın 25-də Ankarada mətbuata açıqlamasında qeyd edilib.
Açıqlamada 44 günlük Vətən müharibəsinin başlanmasının qarşıdakı ildönümünə diqqət çəkilib. Açıqlamada deyilir: “Qəhrəman Azərbaycan Ordusunun respublikanın işğal altında olan torpaqlarının azad edilməsi uğrunda apardığı 44 günlük Vətən müharibəsinin başlanmasının beşinci ildönümü və 27 Sentyabr – Anım Günü münasibətilə şəhidlərin xatirəsini dərin ehtiramla yad edir, Azərbaycanın ərazi bütövlüyü uğrunda mübarizəyə töhfə verən qazilərə minnətdarlığımızı bildiririk”.
