BAYRAQDAR MEDİA – Oktyabrın 14-dən etibarən Dəmiryol Muzeyində başlamış “Açıq qapı” günləri böyük maraqla qarşılanıb.
Bu barədə ADY-dən məlumat verilib.
Məlumata görə, müxtəlif yaş qruplarından olan ziyarətçilər muzeyi gəzib, bələdçilər tərəfindən onlar üçün infotur təşkil olunub: “Azərbaycanda dəmir yollarının yaranmasının 145 illiyi və dəmiryolçuların peşə bayramı münasibətilə 19 oktyabra qədər davam edəcək “Açıq qapı” günlərini qaçırmayın, əsr yarımlıq tarixə siz də nəzər salın. Muzeyin iş saatları:- çərşənbə axşamı – şənbə: 10:00-18:00; – bazar günü: 11:00-17:00”.
