BAYRAQDAR MEDİA – Eskişehirin Odunpazarı rayonunda ətraf mühit şüurunu artırmaq məqsədilə aparılan işlər fasiləsiz davam edir. Bu çərçivədə, İstiqlal Məhəlləsi Muxtarlığında vətəndaşların gətirdiyi tullantı materiallar mütəmadi şəkildə toplanır.
Bu barədə eskisehir.net saytı məlumat yayıb.
Məlumata görə, hər həftə təxminən 60 kiloqram tullantı yağı bələdiyyə işçilərinə təhvil verilir və təkrar emal prosesinə daxil edilir: “Evlərdə istifadə olunmayan yağ, batareya və su qabı qapaqları kimi müxtəlif tullantılar məhəllə muxtarlıqlarında toplanır. İstiqlal Məhəlləsində yaşayan sakinlər ətraf mühitə zərər verməmək üçün tullantılarını butulkalarla muxtarlığa gətirirlər. Bələdiyyə işçiləri tərəfindən toplanan bu tullantılar təkrar emal müəssisələrində emal edilərək iqtisadiyyata yenidən qazandırılır”.
