Dosent Dr. Ali Bülbül: Türkiyədə 63 geotermal stansiya və 1691 meqavattlıq elektrik istehsal potensialı mövcuddur
BAYRAQDAR MEDİA – “Denizli vilayəti minerallı və termal sular baxımından olduqca zəngindir. Türkiyədə qeydiyyatda olan 63 geotermal stansiya və təxminən 1691 meqavatt gücündə elektrik istehsal potensialı mövcuddur”.
Bunu Pamukkale Universitetinin Mühəndislik fakültəsinin Geologiya mühəndisliyi kafedrasının müəllimi və Geotermal Tətbiq və Tədqiqat Mərkəzinin direktoru dosent doktor Ali Bülbül deyib.
Universitetdən verilən məlumata görə, A.Bülbül bildirib ki, bu minerallı və termal sular enerjiyə olan tələbatı ödəməklə yanaşı, dünya irsi siyahısında yer alan Pamukkale travertenləri, Kaklık mağarası və Karahayıt travertenlərinin yaranmasına da səbəb olur: “Bundan başqa, bu unikal sular balneoloji məqsədlərlə, turizmdə istirahət məqsədilə və istixanalar vasitəsilə kənd təsərrüfatında istifadə olunur. Termal sular şəhər istilik sistemlərində də tətbiq edilir və sənaye üçün bor, lityum, halit, tenardit kimi müxtəlif duzların istehsalında istifadə edilir. Həmçinin bu sular butulkalara doldurularaq sağlamlıq məqsədli içmə kürü kimi də istifadə olunur.”
