Qarabağ zəfərinin 5-ci ildönümü Eskişehirdə coşqu ilə qeyd olunub
BAYRAQDAR MEDİA – Noyabrən 8-də Eskişehir Azərbaycanlıları Dərnəyi (ESAZDER) və Türkiyə Azərbaycan Dərnəkləri Federasiyasının (TADEF) birgə təşkilatçılığı ilə Eskişehirdə bayram tədbiri keçiirlib.
Bu barədə ESAZDER-dən məliumat verilib.
Məlumata görə, “44 günə yazılan dastan: Qarabağ Zəfəri” adlı paneli və bayram tədbiri, Taşbaşı Mədəniyyət Mərkəzinin Qırmızı Salonunda reallaşıb.
Məlumatda deyilir ki, öncə şəhidlərin ruhu yad edilib, həmçinin Türkiyən və Azərbaycanın dövlət himnləri səsələndirilib. Tədbirdə Azərbaycan Respublikasının Diaspora İş Üzrə Dövlət Komitəsinin sədr müavini Valeh Hacıyev, Eskişehir rəsmiləri, siyasi partiyaların, qeyri-hökumət təşkilatlarının nümyaəndələri, akademiklər, tələbələr və çoxsaylı vətəndaşlar iştirak edib.
Açılış nitqi ilə çıxış edən Valeh Hacıyev 44 günlük Vətən müharibəsində əldə edilən Zəfərin təkcə Azərbaycanın deyil, bütün türk dünyasının ortaq qüruru olduğunu deyib: “Qarabağ Zəfəri Azərbaycan Ordusunun qəhrəmanlığı və Türkiyənin mənəvi dəstəyi ilə qazanılmış bir dastandır. Bu zəfər, Türk birliyinin nə qədər güclü olduğunun ən canlı sübutudur”.
Eskişehir Azərbaycanlılar Dərnəyinin sədri Cavid Aydın isə çıxışında “Bir millət, iki dövlət” olan Azərbaycan-Türkiyə qardaşlıq münasibətlərindən bəhs edib. O, həmçinin, bildirib ki, 44 günlük Vətən müharibəsində şəhidlərin və qazilərin Qarabağı düşmən tapdağından azad etməklə qəhrəmanlıq dastanı yazdılar.
Sonra Eskişəhər Osmangazi Universitetinin professoru, Prof. Dr. Fərzanə Dövlətabadinin moderatorluğu ilə panel iclası başlayıb: “Paneldə məruzə ilə çıxış edən Kahramanmaraş Sütçü İmam Universitetinin Professoru Toğrul İsmayıl və Ankara Universiteti Hüquq Fakültəsinin Professoru Cavid Abdullazadə Vətən müharibəsinin beynəlxalq hüquq müstəvisində qiymətləndirilməsi, bölgədə yaratdığı təsirlər və türk dünyası üçün strateji əhəmiyyətindən bəhs ediblər”.
Məlumatda deyilir ki, paneldən sonra ESAZDER Gənclik Qolları tərəfindən hazırlanmış rəqs və musiqi nömrəli təqdim olunub: “Kamilə Bağırzadənin “Ağ Çiçəyim” rəqsi, Ayan Süleymanovanın “Azərbaycan” mahnısı, Davud İbrahimov və Səma Niftaliyevanın “Uzundərə” xalq oyunu və Elvin Məmmədlinin muğam ifası iştirakçılara duyğulu anlar yaşadıb”.
Tədbir Zəfərin 5-ci ildönümünə həsr olunmuş video təqdimat və xatirə fotosunun çəkilməsi ilə yekunlaşıb.
