BAYRAQDAR MEDİA – Dekabrın 3-də Özbəkistanda “Vətəndaş Cəmiyyəti Həftəsi” çərçivəsində Daşkənddə “Yüksalish” Hərəkatının “Aramızdakı qəhrəmanlar” layihəsi üzrə qaliblərinin mükafatlandırma mərasimi keçirilib.
Tədbirdə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin icraçı direktoru Aygün Əliyeva fəxri qonaq qismində qaliblərə təltifləri təqdim edib.
Özbəkistanın “Yüksalish” Hərəkatı artıq 4 ildir ki, “Aramızdakı qəhrəmanlar” layihəsini həyata keçirir. Layihənin məqsədi vətəndaşları islahatlara, ictimai proseslərə və sosial təşəbbüslərə daha fəal cəlb etmək, həmçinin müsbət nümunələri cəmiyyətdə tanıtmaqdır.
