BAYYRAQDAR MEDİA – Mədəniyyət Nazirliyinin təşkilatçılığı ilə Heydər Əliyev Mərkəzində “Mədəniyyət və Hüquq: Müasir Çağırışlar” adlı elmi-praktiki forumu keçirilir.
Bu haqda xəbər BAYRAQDAR MEDİA-ya sözügedən Nazirliyin mətbuat xidmətindən daxil olub.
Xəbərdə deyilir ki, “Forum Azərbaycanın hüquq və mədəniyyət sahələrindəki müasir çağırışlara diqqət yetirəcək və bu sahələrdəki inkişafları müzakirə etmək məqsədini daşıyır. İlk dəfə təşkil edilən Mədəniyyət Hüququ Forumunun əhəmiyyəti xüsusilə Azərbaycanın mədəniyyət və hüquq sahələrinin qarşılaşdığı yeni çağırışlara və bu sahələrdəki hüquqi tənzimləmələrə dair müfəssəl müzakirələrin aparılması məqsədilə mühüm əhəmiyyət kəsb edən bir imkan yaradır. Forum çərçivəsində “Mədəniyyət və Hüquq”, “Azərbaycan Respublikası Konstitusiyası və Mədəniyyət Dəyərlərimiz” və “Mədəniyyətin Beynəlxalq Münasibətlər Sistemindəki Yeri” mövzuları müzakirə ediləcək”.
Sonra xəbərdə, “Forumda iştirak edən ekspertlər və dövlət qurumlarının nümayəndələri Azərbaycanın mədəni irsinin qorunması və inkişafı, o cümlədən mədəniyyətin hüquqi təminatının gücləndirilməsi ilə bağlı müzakirələr edəcəklər. Forumun keçirilməsi Azərbaycanda mədəniyyət siyasətinin hüquqi təminatına dair müxtəlif qurumlar arasında əməkdaşlıq əlaqələrinin gücləndirilməsinə dəstək verəcək. Mədəniyyət və hüquq sahəsindəki əməkdaşlığın inkişafı, Azərbaycanın mədəni dəyərlərinin qorunması və beynəlxalq aləmdə tanınması üçün mühüm addım olacaqdır. Həmçinin, Azərbaycanın beynəlxalq münasibətlərində mədəniyyətin daha effektiv şəkildə təmsil olunmasına töhfə verəcək” deyə bildirilir.
Forumda müxtəlif dövlət orqanlarının nümayəndələri, hüquq sahəsindəki və mədəniyyət sahəsində fəaliyyət göstərən mütəxəssislər iştirak edirlər.
