BAYRAQDAR MEDİA – Süni intellekt və kriptoqrafiya sahəsində dünyanın aparıcı alimlərindən biri olan Prof. Dr. Çetin Kaya Koç Ege Universitetinin rektoru Prof. Dr. Musa Alcı ilə görüşüb. Görüşdə Ege Universitetində təhsil və elmi-tədqiqat fəaliyyətlərinə süni intellektin necə inteqrasiya edilə biləcəyi məsələləri müzakirə olunub.
Bu barədə universitetdən məlumat verilib.
Məlumata görə, rektor Prof. Dr. Musa Alcı bildirib ki, süni intellektin təhsildə istifadəsi artıq qaçılmaz qlobal reallıqdır və bu inteqrasiya yalnız texnoloji yenilənmə deyil, bilik ötürülməsi və öyrənmədə köklü dəyişiklik deməkdir: “O qeyd edib ki, süni intellekt vasitəsilə fərdiləşdirilmiş təhsil, inkişaf etmiş tədqiqat imkanları, gələcəyin iş bazarına hazırlıq və sosial problemlərin həllinə töhfə vermək mümkündür. Prof. Dr. Alcı Ege Universitetinin bu istiqamətdə institusional planla irəliləyəcəyini, bütün fakültələrin proqramlarına “Süni İntellekt Savadlılığı” fənninin daxil ediləcəyini, xarici ölkələrdən süni intellekt üzrə mütəxəssislərin cəlb olunacağını və tərs beyin axını proqramları ilə alimlər üçün stimullar yaradılacağını vurğulayıb”.
