BAYRAQDAR MEDİA – Kars valisi Ziya Polat Qafqaz Universitetini ziyarət edərək rektor Prof.Dr. Hüsnü Kapu ilə birlikdə Mərkəzi Kafeteryada universitet tələbələri ilə nahar edib.
Bu barədə universitetin məlumatında qeyd edilib.
Bildirilib ki, səmimi şəraitdə keşən görüşdə vali və rektor tələbələrlə təhsil, yataqxana, sosial imkanlar və gələcək planlar barədə fikir mübadiləsi aparıblar: “Tələbələrin təklif və istəklərini dinləyən vali Polat gənclərin hərtərəfli dəstəklənməsinin vacibliyini vurğulayıb. Vali bildirib ki, universitetlər yalnız təhsil müəssisələri deyil, eyni zamanda sosial və mədəni inkişaf mərkəzləridir və tələbələrin uğurları ölkənin gələcəyi baxımından böyük əhəmiyyət daşıyır”.
