BAYRAQDAR MEDİA – Çanakkale Onsekiz Mart Universitetinin (ÇOMÜ) rektorluğu, Universitet və Ezine Qida İxtisaslaşmış Sənaye Bölgəsi Peşə Məktəbi ilə bağlı son günlərdə səsləndirilən və cəmiyyətdə ciddi narahatlıq yaradan iddialar əsasında araşdırma başlandığını açıqlayıb.
Rektorluğun açıqlamasında bildirilir ki, sözügedən iddialar daxil olan kimi dərhal araşdırmaya alınıb, heç bir tərəddüdə yer verilmədən tədbirlər görülüb: “Bu çərçivədə müvafiq şəxslər vəzifədən müvəqqəti uzaqlaşdırılıb, universitet daxilində səlahiyyətli və müstəqil istintaq komissiyası yaradılıb. Tələbə qeydiyyatları, köçürmə əməliyyatları, məzuniyyət sənədləri, vəzifə artımı prosesləri, imtahan sənədləri və rəqəmsal sistem qeydləri də daxil olmaqla bütün məlumat və sənədlər araşdırmaya cəlb edilib”.
Açıqlamada vurğulanıb ki, saxta sənəd, qanunsuz qeydiyyat, qaydalara zidd vəzifə artımı, vəzifədən sui-istifadə və hər cür təşkilatlanmış qanunsuzluq universitet üçün qəbuledilməzdir: “Araşdırma nəticəsində qanun pozuntusu aşkar edilənlər barəsində ən ağır inzibati tədbirlər görüləcək və məsələ hüquq-mühafizə orqanlarına təqdim olunacaq. Universitet rəhbərliyi qeyd edib ki, qurumun nüfuzuna xələl gətirən, ictimai etimadı sarsıdan hər hansı hərəkət ört-basdır edilməyəcək və araşdırma tamamlandıqdan sonra nəticələr açıq və şəffaf şəkildə ictimaiyyətə açıqlanacaq”.
