BAYRAQDAR MEDİA – Ardahan Universiteti yarımil tətilinə gedəcək tələbələrə rahatlıq yaratmaq məqsədilə pulsuz servis xidməti tətbiq edib.
Bu barədə universitetdən məlumat verilib.
Məlumata görə, universitet kampusundakı Qız Tələbə Yurdunda qalan tələbələrin şəhər mərkəzinə rahat çatması üçün səhər və axşam saatlarında pulsuz ring reysləri fəaliyyətə başlayıb: “2025-ci ildə qənaət tədbirləri çərçivəsində ləğv edilən Yenisey Kampusu – şəhər mərkəzi arasındakı pulsuz tələbə servisi yenidən bərpa olunub. Universitetin açıqlamasına görə, kampusla şəhər mərkəzi arasında səhər və axşam olmaqla iki fərqli servis işləyəcək. Avtobuslar həftə sonları da daxil olmaqla hər gün müəyyən saatlarda universitetin girişindən hərəkət edəcək. Bu xidmət yarımil tətilinə gedən qız tələbələrin təhlükəsiz və rahat şəkildə səyahət etməsi üçün həyata keçirilib”.
Universitetin sosial media hesablarında yayılan məlumata görə, servislər Yenisey Kampusundakı Qız Tələbə Yurdundan və universitetin giriş qapısından saat 08:00–17:00 arası müəyyən fasilələrlə hərəkət edəcək.
