BAYRAQDAR MEDİA – Çanakkale Onsekiz Mart Universitetinin (ÇOMÜ) Araşdırma Xəstəxanası leykoz xəstəsi uşaqlara və onların ailələrinə ümid olacaq yeni Leykozlu Uşaqlar Sağlamlıq və Təhsil Fondu (LÖSEV) bölməsinə ev sahibliyi etməyə hazırlaşır. Layihə çərçivəsində universitetə gələn LÖSEV nümayəndə heyəti Rektorluq rəhbərliyi və xəstəxana administrasiyası ilə bir araya gələrək yerində baxış keçirib.
Bu barədə universitetdən məlumat verilib.
Məlumata görə, LÖSEV-in Çanaqqala üzrə İl Məsulu Hande Mimarsinanoğlu, İctimai Əlaqələr – Fayda Layihəsi üzrə əməkdaşlar Rumeysa Mutlu və Simge Deniz, eləcə də Ticarət Koordinatoru Mehmet Akbaşdan ibarət heyət universitetin nəzdində yaradılması planlaşdırılan dəstək bölməsi ilə bağlı ziyarət həyata keçirib: “ÇOMÜ rektoru professor doktor R. Cüneyt Erenoğlunun da qatıldığı görüşdə Araşdırma Xəstəxanası daxilində bölmənin qurula biləcəyi potensial sahələr üzrə ilkin fizibilite işləri aparılıb. Hələ rəsmi açılışı baş tutmayan, lakin hazırlıq prosesi sürətlə davam edən bu strateji bölmənin xəstə yaxınlarına istiqamət verilməsi, sosial dəstək proseslərinin idarə olunması və yardımların koordinasiyası kimi mühüm funksiyaları üzərinə götürməsi nəzərdə tutulur”.
