BAYRAQAR MEDİA – Pamukkale Universiteti (PAÜ) məzunları ilə universitet arasındakı əlaqələri gücləndirmək məqsədilə Pamukkale Universiteti Məzun Məlumat Sistemi müasir dizaynı ilə istifadəyə verilib.
Bu barədə universitetin məlumatında qeyd edilib.
Məlumata görə, Məzun Məlumat Sistemi aktual tələblərə uyğun şəkildə yenidən qurulub: “Müasir dizayn yanaşması və gücləndirilmiş texniki infrastrukturu ilə sistem məzunlara davamlı, sürətli və etibarlı xidmət təcrübəsi təqdim etməyi hədəfləyir. Yenilənmiş veb sayt üzərindən PAÜ məzunları şəxsi məlumatlarını yeniləyə, Pamukkale Universiteti tərəfindən təşkil olunan tədbir və elanları izləyə, rəqəmsal məzun kartları vasitəsilə məzunlara yönəlik imkanlara asanlıqla çıxış əldə edə biləcəklər”.
“Ortaq yaddaşımızla güclü gələcəyə” anlayışı çərçivəsində məzunlar və universitet arasındakı qarşılıqlı əlaqəni sistemli və davamlı bir struktura çevirməyi, əldə edilən geribildirimlər əsasında institusional inkişafı dəstəkləməyi və güclü, dayanıqlı bir məzun şəbəkəsi formalaşdırmağı qarşısına məqsəd qoyan Məzun Məlumat Sisteminə www.pau.edu.tr/mezun keçidi vasitəsilə daxil olmaq mümkündür.
