BAYRAQDAR MEDİA – Muş Xalq Təhsil Mərkəzinin nəzdində fəaliyyət göstərən bəzək əşyaları dizaynı kursunda iştirak edən, 24 yaşlı daun sindromlu Rabia Nur Güngör hazırladığı əl işləri ilə həm sosial həyata inteqrasiya olur. O, həm də böyük rəğbət qazanır.
Bu barədə igdirhaber.net saytı məlumat yayıb.
Məlumata görə, peşə liseyi məzunu olan Rabia Nur, məzuniyyətdən sonra evdə qaldığı müddətdə yaşadığı stressi kurs vasitəsilə sənətlə əvəz edərək çanta, relyef və kristal mozaika tablolar hazırlamağa başlayıb: “İHA-nın məlumatına görə, Rabia Nurun istedadının kurs müddətində üzə çıxdığını bildirən bacısı, klinik psixoloq Merve Nur Güngör sənətin müalicəedici gücünü xüsusi vurğulayıb. O qeyd edib ki, bacısının evdə qaldığı dövrdə yaşadığı psixoloji çətinliklər kursdan sonra məhsuldarlıq və yaradıcılıqla əvəz olunub. Hazırlanan çantalara böyük maraq göstərildiyini və artıq sifarişlər aldıqlarını da əlavə edib. Kursun sevimlisinə çevrilən və yoldaşları tərəfindən çox sevilən Rabia Nur xüsusilə kristal mozaikadan hazırladığı Atatürk portreti ilə diqqət çəkir. Sıxı Tarkan pərəstişkarı olduğunu bildirən gənc qız böyük zəhmətlə hazırladığı bu xüsusi portreti məşhur sənətçi Tarkana hədiyyə etmək istədiyini deyib”.
