BAYRAQDAR MEDİA – Qazaxıstan Müdafiə Nazirliyi hərbi qulluqçular üçün döyüş hazırlığına yanaşmaları yeniləyərək təlimlərin praktik hissəsini gücləndirməyi planlaşdırır. Bölmələrin hazırlığını qiymətləndirmək üçün vahid meyarlar tətbiq olunacaq.
Bu barədə Kırım Haber Ajansı məlumat yayıb.
Məlumata görə, Qazaxıstan Silahlı Qüvvələri Milli Müdafiə Universitetində keçirilən iclasda ordunun döyüş hazırlığı sisteminin təkmilləşdirilməsi müzakirə edilib: “Qərarlara uyğun olaraq direktivlər müdafiə naziri general-leytenant Dauren Kosanov tərəfindən imzalanıb. Nazirliyin rəsmisi bölmələrin təlim keyfiyyətinə görə bütün səviyyələrdə komandirlər arasında şəxsi məsuliyyətin artırılmasının vacibliyini vurğulayıb. Toplantıda Baş Qərargah rəisi general-leytenant Kaniş Abubakirovun rəhbərliyi ilə əsas vəzifələr nəzərdən keçirilib. Hava Hücum Qüvvələrinin qəfil yoxlamasının nəticələri də müzakirə olunub və yoxlama zamanı bölmələr ən yüksək döyüş hazırlığı səviyyəsinə gətirilib”.
Məlumatda deyilir ki, iclasda illik döyüş hazırlığı planları təqdim olunub: “Struktur və kadr islahatları müzakirə edilib. Təlim və İdeoloji İşlər İdarəsinin rəisi ədliyyə polkovniki Tleuxan Baskojayev müasir yanaşmalar, həmçinin “Piramit”, “Ortaq” və “Jauyngerlik Dos” avtomatlaşdırılmış sistemləri barədə məlumat verib”.
İlk şərhi yaza bilərsiniz