BAYRAQDAR MEDİA – Antalya şəhərində ildə təxminən 500 min ədəd torpaqsız, yalnız su mühitində lale yetişdirilir. 8 Mart – Beynəlxalq Qadınlar Günü üçün 8 fərqli rəngdə istehsal edilən lalələr arasında ən çox sarı rəngə üstünlük verilir.
Bu barədə gunhaber.com.tr saytı məlumat verib.
Məlumatda deyilir ki, Serik rayonunun Belek bölgəsində fəaliyyət göstərən müəssisə 10 il əvvəl başladığı suda lale istehsalını genişləndirərək 500 min ədədə çatdırıb: “Lalələr torpaqsız istixana şəraitində, dərman və gübrə istifadə olunmadan yetişdirilir və ölkənin müxtəlif şəhərlərinə göndərilir. Ziraat mühəndisi Anıl Yolcular bildirib ki, istehsal əsasən yanvar–mart aylarında həyata keçirilir və 8 Mart üçün 150–200 min satış planlaşdırılır. Lalələr əvvəlcə 7 dərəcə temperaturda bir ay saxlanılır, daha sonra istixanaya köçürülərək bir ay ərzində satışa hazır vəziyyətə gətirilir”.
İlk şərhi yaza bilərsiniz