BAYRAQDAR MEDİA – Qırğızıstanın qədim və milli oyunu Kök-Börü beşinci Dünya Köçəri Oyunlarının idman proqramına daxil edilib.
Bu barədə yerli idman federasiyasına istinadən kabar.kg saytı məlumat yayıb.
Qeyd olunur ki, bu yaxınlarda Sadır Caparovla Qasım-Jomart Toqayev arasında Astanada aparılmış danışıqların nəticələrindən sonra məsələ nəhayət həll olunub.
Xatırladaq ki, əvvəllər Oyunların təşkilatçıları rəsmi idman proqramına Kök-Börü və qırğız kuroşunu daxil etməmişdilər.
Onu da qeyd edək ki, 5 beşinci Dünya Köçəri Oyunları sentyabrın 8-dən 14-dək Astanada keçiriləcək.
Dünya Köçəri Oyunlarının idman proqramının əsasını ortaq tarix və mədəniyyət birləşdirən köçəri türk xalqlarının milli oyunları təşkil edir.
