BAYRAQDAR MEDİA – Azərbaycan Milli Elmlər Akademiyasının (AMEA) Mərkəzi Elmi Kitabxanasının (MEK) tərtibatında fizika-riyaziyyat elmləri doktoru, AMEA-nın müxbir üzvü, Prof. Yusif Əmənzadənin biblioqrafik göstəricisi çapdan çıxıb.
Bu haqda xəbər BAYRAQDAR MEDİA-ya MEK-dən daxil olub.
Xəbərdə bildirilir ki, “təqdim olunan vəsait Y.Əmənzadənin 110 illiyinə həsr olunub və alimin ilk biblioqrafik göstəricidir. Nəşrə onun 1958-1982-ci illərdə çap olunmuş elmi əsərləri – kitabları, məqalələri, məruzələri, habelə redaktə etdiyi əsərlər daxil olmaqla 102 mənbə toplanıb”.
Daha sonra xəbərdə, “göstəricinin elmi redaktoru MEK-in direktoru, texnika elmləri doktoru Hüseyn Hüseynov, redaktoru fizika riyaziyyat elmləri üzrə fəlsəfə doktoru, Dos. Tamilla Həsənova, tərtibçiləri kitabxananın Biblioqrafiya şöbəsinin əməkdaşları Nərgiz Novruzova və Türkan Vahidovadır” deyə qeyd edilir.
