BAYRAQDAR MEDİA – Aprelin 22-də Azərbaycan Futbol Federasiyaları Assosiasiyasının (AFFA) baş katibi Cahangir Fərəcullayev Meksikanın Azərbaycandakı fövqəladə və səlahiyyətli səfiri Mariya Viktoriya Romero Kabalyero ilə görüşüb.
Bu haqda xəbər BAYRAQDAR MEDİA-ya AFFA-dan daxil olub.
Xəbərdə diqqətə çatdırılır ki, “AFFA-nın inzibati binasında keçirilən görüşdə futbol sahəsində ikitərəfli münasibətlərin inkişaf imkanları müzakirə edilib. Səfir 2026-cı ildə ABŞ, Kanada və Meksikada təşkil ediləcək dünya çempionatı barədə ümumi məlumat verib, azərbaycanlı azarkeşləri mundial zamanı ölkələrində görməkdən məmnun olacaqlarını bildirib”.
