BAYRAQDAR MEDİA – Gənclər və İdman Nazirliyinin (GİN) və Azərbaycan Voleybol Federasiyasının (AVF) birgə təşkilatçılı ilə Azərbaycan Voleybol Mərkəzində keçirilən dövlət qurumları arasında voleybol yarışlarına yekun vurulub.
Bu haqda xəbər BAYRAQDAR MEDİA-ya Fövqəladə Hallar Nazirliyinin (FHN) mətbuat xidmətindən daxil olub.
Xəbərdə bildirilir ki, “yarışlarda iştirak edən FHN-in həm qadın, həm də kişilərdən ibarət yığma komandaları ən yüksək nəticə göstəriblər. Belə ki, dairəvi sistem üzrə mübarizə aparan FHN-in qadınlardan ibarət “Xilasedici” komandası bütün görüşlərdə qalib gələrək fəxri kürsünün ən yüksək pilləsinə qalxıb. Nazirliyin kişilərdən ibarət eyniadlı – “Xilasedici” voleybol komandası da qrup şəklində mübarizə apararaq bütün rəqiblərinə qalib gəlib və turnirin çempionu adını qazanıb”.
Qaliblərə GİN-in diplom və medalları təqdim olunub.
