BAYRAQDAR MEDİA – İncəsənətin Tərəqqisinə Dəstək İctimai Birliyinin ictimaiyyətə geniş təqdimat mərasimi keçirilib.
Bu barədə İctimai Birliyin məlumatında qeyd edilib.
Məlumata görə, tədbir ilk öncə İctimai birliyin nəzdində fəaliyyətə başlayan “Zəfər yurdu” ansamblının xor kollektivinin ifasında Azərbaycanın Dövlət Himninin səsləndirilməsi ilə açıq elan edilib: “Şəhidlərin ruhu 1 dəqiqəlik sükutla yar edilib. Giriş nitqi ilə çıxış edən tədbirin moderatoru, Mədəniyyət Nazirliyi yanında İctimai Şuranın sədr müavini, şair-publisist, Beynəlxalq Alaş Ədəbiyyatı mükafatçısı Əkbər Qoşalı İctimai birliyə rəsmi fəaliyyət göstərməsi münasibətilə uğurlar arzulayıb, kollektivi təbrik edib”.
Məlumata görə, İctimai Birliyin mədəniyyətin və incəsənətin bütün sahələrində inkişafına dəstək göstərməyi qarşısına məqsəd qoyan birliyin təsisçisi və sədri Turanə Orucova qonaqları salamladıqdan sonra qarşıda duran vəzifələrdən və gələcəkdə görülən işlərdən danışıb: “Təbrik nitqi ilə çıxış edən Milli Məclisin deputatları -Vasif Qafarov, Aydın Mirzəzadə, Azərbaycanın Xalq artisti Hacı İsmayılov, Zirvə Mədəniyyət və İncəsənət İctimai Birliyinin sədri Şahin Qədirov, İrəvan Ansablının rəhbəri Maya Qafarova, Qərbi Azərbaycan İcmasının Nizami rayon təşkilatının sədri Xəqani Cəfərov, Aydınlar Ocağı Beynəlxalq Dialoq və Əməkdaşlıq Mərkəzinin sədri Vüqar Qədirov və digər çıxış edən natiqlər ictimai birliyin kollektivini təbrik edib, fəaliyyətində uğurlar arzulayıblar.Tədbirin sonunda “Zəfər yurdu ansamblı”nın kollektivi vətənpərvərlik ruhunda ifa etdikləri musiqilərlə qonaqların zövqünü oxşayıb”.
