BAYRAQDAR MEDİA – Iğdır İl Polis İdarəsinin Terrorla Mübarizə Şöbəsi tərəfindən həyata keçirilən Maarifləndirmə və Qarşısının Alınması Fəaliyyətləri (BÖF) və “Gənclik və Təhlükəsiz Gələcək” layihəsi çərçivəsində maarifləndirmə işləri davam etdirilir. Bu çərçivədə 2025–2026-cı tədris ilində Iğdır Universitetində yeni qəbul olunan və təhsilini davam etdirən tələbələr üçün məlumatlandırma prosesləri diqqətlə aparılır.
Bu barədə universitetin məlumatında qeyd edilib.
Məlumata görə, aparılan işlər çərçivəsində universitetdə təhsil alan 1 min 5 tələbənin iştirakı ilə “Terrorun kölgəsində radikallaşma: Terror təşkilatlarının üzv cəlbetmə üsulları və effektiv qarşısının alınması tədbirləri” mövzusunda seminarlar təşkil olunub: “Polis İdarəsi tərəfindən mövzu ilə bağlı yayımlanan açıqlamada deyilir ki, məqsəd təkcə cinayətin qarşısını almaq deyil, həm də şüurlu bir gələcək qurmaqdır. Təhlükəsiz gələcək bu gündən qurulan möhkəm bağlarla başlayır və idarə bu bağı gücləndirmək üçün hər zaman gənclərimizin yanındadır”.
Universitet tərəfindən verilən açıqlamada isə tələbələrin maarifləndirilməsinə yönəlmiş bu cür tədbirlərin əhəmiyyətinə xüsusi diqqət çəkilib.
