BAYRAQDAR MEDİA – Pamukkale Universiteti (PAÜ) ilə Denizli Organize Sənaye Bölgəsi (OSB) arasında imzalanan protokol əsasında yaradılması planlaşdırılan OSB Peşə Yüksək Məktəbi üçün ilk addım atılıb.
Bu barədə univeristetin məlumatında qeyd edilib.
Məlumatda deyilir ki, PAÜ rektoru Prof. Dr. Mahmud Güngör və Denizli OSB İdarə Heyətinin sədri Derya Baltalının imzaları ilə qüvvəyə minən protokol çərçivəsində Denizli Organize Sənaye Bölgəsində yaradılması nəzərdə tutulan OSB Peşə Yüksək Məktəbi vasitəsilə sənayenin ehtiyac duyduğu ixtisaslı kadrların hazırlanması, tələbələrin praktik təhsil və istehsalat təcrübəsi imkanlarının genişləndirilməsi, eləcə də Denizlinin istehsal potensialına təhsil yolu ilə dəyər qatılması məqsəd qoyulub.
