BAYRAQDAR MEDİA – 2026-cı ilin UNESCO tərəfindən Şeyx Edebalinin vəfatının 700-cü ildönümünün anım proqramlarına daxil edilməsi münasibətilə Bileçik Şeyx Edebali Universiteti onun mənəvi irsini əks etdirən iki xüsusi loqo dizayn edib.
Bu barədə universitetdən məlumat verilib.
Məlumata görə, bu loqolar 2026-cı il ərzində keçiriləcək bütün akademik və mədəni tədbirlərdə istifadə olunacaq və Şeyx Edebalinin universal dəyərlərinin gənc nəsillərə ötürülməsinə töhfə verəcək.
Qeyd edilib ki, hazırlanan loqolar Şeyx Edebali’nin vəfatının 700-cü ildönümünü anmaq və xatırlatmaq məqsədilə yaradılmış tarixi, mədəni və mənəvi bir simvolu əks etdirir: “Universitetimizin Senatı tərəfindən qəbul edilmiş qərara əsasən, 2026-cı il ərzində keçiriləcək akademik tədbirlərdə və mədəni proqramlarda istifadə olunacaq bu loqolar Şeyx Edebali’nin universal düşüncə və əxlaqi irsinin gənc nəsillərə ötürülməsinə töhfə verəcəkdir.Bilecik Şeyx Edebali Universiteti olaraq, bu xüsusi dizaynlar vasitəsilə böyük mütəfəkkir Şeyx Edebalinin insan və cəmiyyətə dair universal mesajlarını yaşatmağı və gələcək nəsillər üçün ilham mənbəyi olmağı hədəfləyirik”.
İlk şərhi yaza bilərsiniz