BAYRAQDAR MEDİA – Həyatımızın ayrılmaz bir hissəsi olan musiqi, duyğularımızdan gündəlik işlərimizə qədər hər sahədə bizə yoldaşlıq edir və ritmi ilə həyatımıza rəng qatmağa davam edir. Spotify-ın yayımladığı son məlumatlara görə, şəhərlərin ən çox dinlədiyi mahnılar müəyyənləşib. Eskişehir və ətraf vilayətlərdə musiqi seçimləri diqqət çəkib; bölgədə əsasən rep və pop janrları üstünlük təşkil edib.
Bu barədə eskisehir.net saytı məlumat yayıb.
Qeyd edilib ki, Eskişehirin qonşusu Bilecikdə ən çox dinlənilən mahnı Semicenkin “Kalpsiz” əsəri olub: “Kütahyada isə SNOW-un “Üzüleceksin 2.0” və Poizinin “y” mahnısı siyahılarda ön sırada yer alıb. Eskişehirdə isə Poizi, Era7capone və SNOW-un birgə əsəri “Çıkar Biri Karşıma” istifadəçilər tərəfindən ən çox dinlənilən mahnı kimi qeydə alınıb. Şəhərdə xüsusilə gənclərin marağı böyük olub və qısa müddətdə yerli siyahıların zirvəsinə çıxıb”.
