BAYRAQDAR MEDİA – Ostin şəhərində yerləşən Texas Universitetinin “Bates Recital Hall” zalında ABŞ-də yaşayan azərbaycanlı musiqiçi, dirijor Fərhad Xudiyevin konserti olub.
Bu barədə Diasporla İş üzrə Dövlət Komitəsindən məlumat verilib.
Məlumata görə, konsertdə Texas Simfonik Orkestrinin direktoru Fərhad Xudiyevin dirijorluğu ilə maestro Niyazinin “Çitra” baletindən “Final” rəqsi ABŞ-də ilk dəfə səsləndirilib: “Bu ifa böyük coşqunluqla qarşılanıb və alqışlara səbəb olub. Dmitri Şostakoviçin 10-cu Simfoniyasından seçilmiş parçalar da izləyicilərin zövqünü oxşayıb. Konsert proqramında Fərhad Xudiyevin repertuar seçimimusiqinin sərhədləri aşan, mədəniyyətləri birləşdirən gücünü bir daha nümayiş etdirib”.
