Son yeniləmə: 30 Aprel 2026
BAYRAQDAR MEDİA – Iğdır Universitetində İqtisadi və İdarəetmə Elmləri, Mühəndislik, eləcə də Ədəbiyyat və Təbiət Elmləri fakültələrinə yeni dekanlar təyin edilib. Təyinatlarla bağlı keçirilən təhvil-təslim mərasimində universitetin rektoru professor Ekrem Gürel də iştirak edib.
Bu barədə universitetdən bildirilib.
Məlumata görə, mərasimə universitet rəhbərliyi, akademik heyət və inzibati əməkdaşlar qatılıblar: “Yeni təyinatlara əsasən: İqtisadi və İdarəetmə Elmləri fakültəsinin dekanı – professor Serkan Künü; Mühəndislik fakültəsinin dekanı – professor Mücahit Pehlivan; Ədəbiyyat və Təbiət Elmləri fakültəsinin dekanı – professor Mehmet Ali Kırpık olub. Tədbirdə çıxış edən rektor professor Ekrem Gürel universitetin elmi inkişaf strategiyasına diqqət çəkərək fakültələri ali təhsil ocağının “akademik sütunu” adlandırıb. O bildirib ki, yeni dekanların təcrübəsi universitetin elmi potensialının daha da güclənməsinə töhfə verəcək”.
İlk şərhi yaza bilərsiniz