BAYRAQDAR MEDİA – Pamukkale Universitetinin Təhsil fakültəsi Yüksək Təhsil Şurası tərəfindən təqdim edilən “Əngəlsiz Universitet” mükafatları çərçivəsində 2026-cı il üçün yenidən “Mavi Bayraq” mükafatına layiq görülüb. Fakültə ötən il də eyni mükafatı qazanmışdı.
Ali təhsil ocağından verilən məlumata görə, Təhsil fakültəsi daha əvvəl “Yaşıl Bayraq” mükafatını da əldə edib və bununla hər iki mükafata sahib olan fakültələr sırasına daxil olub.
Universitetin rektoru Prof. Dr. Mahmud Güngör bildirib ki, bu mükafat universitetin yalnız təhsildə deyil, sosial həyatda da əlçatanlıq prinsipinə önəm verdiyini göstərir. Onun sözlərinə görə, sosial və mədəni tədbirlərdən tutmuş konfranslara qədər bütün fəaliyyətlər xüsusi ehtiyacı olan şəxslərin tələbləri nəzərə alınaraq təşkil edilir. Kampusda işarə dili tərcüməsi, ortaq sosial layihələr və uyğunlaşdırılmış məkanlar vasitəsilə inklüziv mühit yaradılıb.
Tədbirin sonunda rektor və fakültə rəhbərliyi Brayl əlifbası ilə yazılmış lövhələri nəzərdən keçirərək xatirə fotosu çəkdiriblər.
İlk şərhi yaza bilərsiniz