İranda dörd azərbaycanlıya ümumilikdə 40 il həbs cəzası

Yazar: Aysel Həsrət. Tarix: 5 Avqust 2026 15:57

BAYRAQDAR MEDİA – Tehran İnqilab Məhkəməsinin 28-ci şöbəsi Abbas Lisani, Əli Xeyirci, Yusif Kari və Behzad Dəşti barəsində həbs hökmü çıxarıb.

Xəbəri “Təbriz-Turan-TV” Telegram kanalı yayımlayıb.

Xəbərdə deyilir ki, “qərara əsasən, Abbas Lisani 15 il, Yusif Kari 10 il, Behzad Dəşti 10 il, Əli Xeyirci isə 5 il azadlıqdan məhrum edilib. Abbas Lisani “ölkə daxilində türk separatçı qrupu yaratmaq və ona rəhbərlik etmək”, Yusif Kari və Behzad Dəşti isə həmin qrupa üzv olmaq ittihamı ilə əlavə həbs cəzaları alıblar. Dörd nəfərin hər biri həmçinin “milli təhlükəsizlik əleyhinə əlbir olmaq” ittihamı ilə 5 il həbs cəzasına məhkum edilib”.

Bildirilib ki, “Abbas Lisani və Yusif Kari barəsində hökm qiyabi çıxarılıb və onlar qərarın rəsmi təqdim edilməsindən sonra 20 gün ərzində etiraz edə bilərlər”.

Bölmə: GÜNEY AZƏRBAYCAN

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları:

Bölmənin başqa yazıları: GÜNEY AZƏRBAYCANGÜNEY AZƏRBAYCAN bölməsinin başqa yazıları »