BAYRAQDAR MEDİA – Erciyes Universitetinin Tibb fakültəsinin xəstəxanalarında yenidoğulmuşlara göstərilən tibbi xidmətin keyfiyyətini yüksəltmək məqsədilə intensiv terapiya şöbəsi müasir avadanlıqlarla təchiz olunub. Xəstəxananın baş həkimi professor İbrahim Halil Kafadar bildirib ki, şöbəyə inteqrasiya olunmuş EEG, mexaniki tənəffüs aparatı, video larinqoskop, bilirubin ölçən cihaz, 30 xəstə monitoru və mərkəzi monitorinq sistemi, eləcə də xeyriyyəçinin dəstəyi ilə 20 oksigen-hava qarışdırıcısı gətirilib. Yenidoğulmuşlar şöbəsinin rəhbəri professor Mehmet Mutlu yeni avadanlıqların kritik vəziyyətdə olan körpələrin diaqnostika, müşahidə və müalicə proseslərini daha təhlükəsiz və səmərəli edəcəyini bildirib. Yeni cihazlar vaxtından əvvəl doğulmuş körpələrin tənəffüsünün dəstəklənməsi, beyin fəaliyyətinin izlənməsi və sarılığın qansız müayinə üsulu ilə müəyyənləşdirilməsi baxımından mühüm əhəmiyyət daşıyır. Professor Mutlu bu texnologiyaların körpələrin həyatının xilas edilməsinə və müalicə imkanlarının genişləndirilməsinə töhfə verəcəyini vurğulayıb.
İntensiv terapiya şöbəsi yeni tibbi cihazlarla təchiz edilib
Bölmə: TƏHSİL
BAYRAQDAR MEDİA-nın baş redaktorunun müavini, Azərbaycan Respublikasının Əməkdar jurnalisti (2013) Nadir AZƏRİ (İsmayilov Nadir Nəbi oğlu) 26 fevral 1973-cü ildə Yevlax rayonu, 2-ci Salamabad kəndində anadan olub. Bakı Sosial İdarəetmə və Politologiya İnstitutunun məzunudur. 1991-ci ildən etibarən dövri mətbuatda ilk yazıları Yevlaxın o zamankı “Təşəbbüs” (indiki “Kür”) qəzetində dərc edilib. 1995-ci ildə Gənclər və İdman Nazirliyinin mətbu orqanı olan “P.S. Gənclik” qəzetinin zona müxbiri kimi fəaliyyət göstərib. 1995-1997-ci illərdə “İki sahil”, “Panorama” və digər qəzetlərdə yazıları dərc olunub. 1997-1998-ci illərdə “Bu gün” qəzetində müxbir, baş redaktorun birinci müavini vəzifələrində çalışıb. Daha sonra “Yeni Müsavat”, “Üç nöqtə”, “Press Fakt”, “Mərkəz” və “Xəzər” qəzetlərində müxtəlif vəzifələrdə çalışıb. 2009-ci ildən 2021-ci il oktyabrın 11-dək “Yeni Azərbaycan” qəzetində şöbə redaktoru vəzifəsində çalışıb. Hazırda həm də Orta Asiya və Güney Qafqaz Söz Azadlığı Şəbəkəsi (CASCFEN) İB-in sədridir. nadir@bayraqdar.info
İlk şərhi yaza bilərsiniz