Press "Enter" to skip to content

Turizm sahəsində əməkdaşlıq inkişaf etdirilir

Yazar: Nadir Azəri - Əməkdar jurnalist. Tarix: 1 May 2026 09:16

Alim Bayel jurnalistlərə açıqlama verərkən

Alim Bayel jurnalistlərə açıqlama verərkən

Alim Bayel: 2026-cı ilin yayında III Qazaxıstan-Azərbaycan turizm forumunu təşkil etməyi planlaşdırırıq

BAYRAQDAR MEDİA – 2026-cı ilin yayında Üçüncü Qazaxıstan-Azərbaycan turizm forumunun keçirilməsi planlaşdırılır.

Bunu jurnalistlərə açıqlamasında Qazaxıstanın Azərbaycandakı səfiri Alim Bayel deyib.

Səfir qeyd edib ki, iki qardaş ölkə turizm sahəsində əməkdaşlığı ardıcıl olaraq inkişaf etdirirlər: “2024-cü ildə birgə turizm forumu Bakıda, 2025-ci ildə isə Qubada keçirilib. 2026-cı ilin yayında Üçüncü Qazaxıstan-Azərbaycan turizm forumunu təşkil etməyi planlaşdırırıq. Tədbir bu dəfə Qazaxıstanda – bütün türklər üçün çox böyük mənəvi əhəmiyyətə malik olan Türkistan şəhərində keçiriləcək”.

A.Bayel onu da vurğulayıb ki, Qazaxıstan və Azərbaycan turizm sahəsində tərəfdaşlığı bundan sonra da möhkəmləndirmək və yeni birgə təşəbbüsləri həyata keçirmək niyyətindədir.

Related

Bölmə: TURİZM

Nadir Azəri - Əməkdar jurnalist

BAYRAQDAR MEDİA-nın baş redaktorunun müavini, Azərbaycan Respublikasının Əməkdar jurnalisti (2013) Nadir AZƏRİ (İsmayilov Nadir Nəbi oğlu) 26 fevral 1973-cü ildə Yevlax rayonu, 2-ci Salamabad kəndində anadan olub. Bakı Sosial İdarəetmə və Politologiya İnstitutunun məzunudur. 1991-ci ildən etibarən dövri mətbuatda ilk yazıları Yevlaxın o zamankı “Təşəbbüs” (indiki “Kür”) qəzetində dərc edilib. 1995-ci ildə Gənclər və İdman Nazirliyinin mətbu orqanı olan “P.S. Gənclik” qəzetinin zona müxbiri kimi fəaliyyət göstərib. 1995-1997-ci illərdə “İki sahil”, “Panorama” və digər qəzetlərdə yazıları dərc olunub. 1997-1998-ci illərdə “Bu gün” qəzetində müxbir, baş redaktorun birinci müavini vəzifələrində çalışıb. Daha sonra “Yeni Müsavat”, “Üç nöqtə”, “Press Fakt”, “Mərkəz” və “Xəzər” qəzetlərində müxtəlif vəzifələrdə çalışıb. 2009-ci ildən 2021-ci il oktyabrın 11-dək “Yeni Azərbaycan” qəzetində şöbə redaktoru vəzifəsində çalışıb. Hazırda həm də Orta Asiya və Güney Qafqaz Söz Azadlığı Şəbəkəsi (CASCFEN) İB-in sədridir. nadir@bayraqdar.info

Yazarın başqa yazıları:

Bölmənin başqa yazıları: TURİZMTURİZM bölməsinin başqa yazıları »

İlk şərhi yaza bilərsiniz

Lütfən, buyurub bir şərh yaza bilərsiniz Cavabı ləğv et