Son yeniləmə: 6 May 2026
BAYRAQDAR MEDİA – Eskişehirin Mihalıççık rayonunda təşkil olunan Yunus Emreni anma proqramından sonra vətəndaşlara Yunus aşı təqdim olunub, eyni zamanda şam tingləri paylanıb. Külliyə ərazisində həyata keçirilən paylanmaya vətəndaşlar böyük maraq göstəriblər.
Bu barədə eskisehir.net saytı məlumat yayıb.
Məlumata görə, Eskişehir valisi doktor Erdinç Yılmaz, DSP-nin baş sədri Öndər Aksakal və Türkiyə Böyük Millət Məclisinin Süni İntellekt Araşdırma Komissiyasının sədri, eyni zamanda AK Partinın Eskişehir millət vəkili Fatih Dönmez qazanların başına keçərək vətəndaşlara Yunus aşı paylayıblar. Proqram ərazisində yaranan sıxlıq səbəbindən vətəndaşlar uzun növbələr təşkil ediblər.
Tədbirdə iştirak edən vətəndaşlar həm Yunus Emrenin mənəvi mühitini yaşadıqlarını, həm də keçirilən tədbirlərdən məmnun qaldıqlarını bildiriblər.
İlk şərhi yaza bilərsiniz