BAYRAQDAR MEDİA – Fövqəladə Hallar Nazirliyinin (FHN) Nüvə və Radioloji Fəaliyyətin Tənzimlənməsi üzrə Dövlət Agentliyi səlahiyyətləri çərçivəsində nüvə və radiasiya təhlükəsizliyi sahəsində maarifləndirmə tədbirlərini davam etdirir.
Bu haqda xəbər BAYRAQDAR MEDİA-ya FHN-in mətbuat xidmətindən daxil olub.
Xəbərdə deyilir ki, “bu çərçivədə, Agentlik ilə Nazirliyin Bakı Regional Mərkəzi birgə tədbir keçirib. Tədbirdə Mərkəzin əhatə etdiyi rayonların icra hakimiyyətlərinin nümayəndələri, ionlaşdırıcı şüalanma mənbələri ilə bağlı fəaliyyət göstərən müəssisə və təşkilatların rəhbərləri, eləcə də FHN-in yerli qurumlarının məsul şəxsləri iştirak edib. Tədbirdə giriş sözü ilə çıxış edən FHN Bakı Regional Mərkəzinin rəisinin birinci müavini polkovnik İlqar Səfərov görüşün əhəmiyyətindən söz açıb, Nazirliyin aidiyyəti qurumları ilə sözügedən sahədə fəaliyyət göstərən müəssisələr arasında səmərəli əməkdaşlığın vacibliyindən danışıb”.
Sonra xəbərdə, “FHN-in Nüvə və Radioloji Fəaliyyətin Tənzimlənməsi üzrə Dövlət Agentliyinin rəis müavini Xəzər Əmiraslanov görülən işlərdən və qarşıda duran vəzifələrdən bəhs edib, radiasiya təhlükəsizliyinin etibarlı şəkildə təmin edilməsi istiqamətində atılan addımlar barədə məlumat verib. Tədbirdə radiasiya təhlükəsizliyi sahəsində qanunvericiliyin əsasları, radioloji qəza hallarında idarəetmə, radioaktiv maddə və ionlaşdırıcı şüa mənbəli avadanlıqların istismarı ilə əlaqədar tələblərin icrasına dair müzakirələr aparılıb. Həmçinin tədbirdə radiasiya təhlükəsizliyinin təmin olunması üzrə təlimatlardan və daxili nəzarətdən, eyni zamanda bu sahədə fəaliyyətin qiymətləndirilməsi ilə bağlı məsələlərdən danışılıb” deyə diqqətə çatdırılır.
Tədbirdə suallar cavablandırılıb, geniş müzakirə aparılıb.
İlk şərhi yaza bilərsiniz