BAYRAQDAR MEDİA – Antalyanın Muratpaşa Bələdiyyəsinin parklarda tətbiq etdiyi ağıllı suvarma sistemi sayəsində 2026-cı ilin iyul ayınadək 5,6 milyard litr suya qənaət olunub. Bələdiyyənin məlumatına görə, sistem 2023-cü ildən etibarən bütün parklarda istifadəyə verilib və bitkilərin ehtiyacına uyğun suvarmanı təmin edir.
Bu barədə gunhaber.com.tr saytı məlumat yayıb.
Bildirilib ki, bu texnologiya lazımsız su və elektrik sərfiyyatının qarşısını almağa imkan verib. Hesablamalara əsasən, 2023-cü ildən bəri ümumilikdə 5 milyon 627 min kubmetrdən çox suya qənaət edilib. Eyni dövrdə parkların suvarılmasında istifadə olunan elektrik enerjisində də 2 milyon 344 min kilovat-saat qənaət əldə olunub. Təkcə 2026-cı ilin mart–iyul aylarında elektrik sərfiyyatı əvvəlki illərlə müqayisədə 41,7 faiz azalıb.
Bələdiyyə bu layihənin həm su ehtiyatlarının qorunmasına, həm də enerji səmərəliliyinin artırılmasına mühüm töhfə verdiyini bildirib.
İlk şərhi yaza bilərsiniz