Son yeniləmə: 6 May 2026
BAYRAQDAR – Pamukkale Universiteti Xəstəxanasının Dəri və Zöhrəvi Xəstəliklər şöbəsində yeni nəsil “Excimer Light” cihazı ilə müalicə xidmətinə başlanılıb. İş adamı Dr. Halis Ödelin dəstəyi ilə alınan cihaz dəri xəstəliklərinin daha effektiv və hədəfə yönəlik müalicəsinə imkan yaradır.
Məlumata əsasə, şöbə müdiri Prof. Dr. Ahmet Metin bildirib ki, universitet həm tibbi xidmətlərin keyfiyyətini artırmaq, həm də elmi tədqiqat imkanlarını genişləndirmək istiqamətində fəaliyyətini davam etdirir. Onun sözlərinə görə, xüsusilə vitiliqo, psoriaz, ekzema, saçqıran və digər davamlı dəri xəstəliklərinin müalicəsində bu cihaz mühüm üstünlüklər təqdim edir.
Məlumatda deyilir ki, 308 nanometr ultrabənövşəyi şüa texnologiyası ilə işləyən cihaz yalnız xəstə nahiyəyə təsir göstərərək sağlam toxumaları qoruyur və yan təsirləri minimuma endirir. Bu da müalicə müddətinin qısalmasına və xəstələrin həyat keyfiyyətinin yüksəlməsinə şərait yaradır.
