Avropanın ən təmiz çimərliklərindən biri

Yazar: Nihat Göytürk. Tarix: 19 İyun 2026 15:25

Çimərlik

BAYRAQDAR MEDİA – Bolqarıstan Avropa Birliyində çimərlik sularının keyfiyyətinə görə ən yüksək göstəricilərə malik ölkələrdən biri olub. Avropa Ətraf Mühit Agentliyinin son hesabatında ölkənin çimərlik sularının 96,9 faizinin ən sərt ekoloji standartlara cavab verdiyi qeyd olunub.

Bu barədə Radio Bolqarıstan məlumat yayıb.

Bildirilib ki, qiymətləndirmə çimərlik sularında sağlamlıq üçün təhlükə yarada biləcək bakteriyaların mövcudluğuna dair testlər əsasında aparılıb. Nəticələr Bolqarıstanın Qara dəniz sahillərinin Avropanın bir sıra məşhur dəniz turizmi məkanlarını geridə qoyduğunu göstərib. Hesabat Avropa Komissiyası ilə birgə hazırlanıb və təhlükəsiz çimərlik ərazilərini əks etdirən interaktiv xəritə də təqdim olunub. Bu göstərici ölkənin turizm potensialını daha da artıran mühüm amillərdən biri kimi qiymətləndirilir.

Bölmə: EKOLOGİYA

Nihat Göytürk

1991-ci ildən jurnalistika ilə məşğul olur. Bir sıra qeyri-hökumət təşkilatlarının fəaliyyətində yaxından iştirak edib. 1993-cü ildən etibarən beynəlxalq təşkilatların ölkəmizdə keçirdiyi siyasi partiyalar, QHT sektoru, insan hüquqları, həmçinin jurnalistika ilə bağlı seminar, dəyirmi masa və treninqlərin iştirakçısı olub. Azərbaycanın daxili və xarici siyasəti, beynəlxalq münasibətlər, o cümlədən Türkiyə və Kuzey Kıbrıs Türk Cümhuriyyəti ilə bağlı çoxsaylı yazıların müəllifidir. Azərbaycan və türk dilində yazır və danışır. nihat@bayraqdar.info

Yazarın başqa yazıları:

Bölmənin başqa yazıları: EKOLOGİYAEKOLOGİYA bölməsinin başqa yazıları »