BAYRAQDAR MEDİA- Manisa Celal Bayar Universitetinin rektoru, professor Rana Kibar universitetin akademik və tədqiqat bölmələrinə səfərləri çərçivəsində Eksperimental Təbiət Elmləri Tətbiq və Tədqiqat Mərkəzində (DEFAM) olub.
Səfər zamanı rektoru rektor müavini, professor Kadir Ay, baş katib Erhan Doğan və rektorun müşaviri, professor Murat Taş müşayiət ediblər. Rana Kibar mərkəzin laboratoriyalarını, avadanlıqlarını və tədqiqat infrastrukturunu nəzərdən keçirib. Mərkəzə yeni gətirilmiş rentgen difraksiyası (XRD) cihazının texniki xüsusiyyətləri və istifadə sahələri barədə də məlumat alıb.
Daha sonra DEFAM-ın direktoru, professor Süleyman Koçak və mərkəzin əməkdaşları ilə görüşən rektor elmi tədqiqatlar, sənaye müəssisələri ilə həyata keçirilən layihələr və mövcud əməkdaşlıqlar barədə fikir mübadiləsi aparıb.
İlk şərhi yaza bilərsiniz