Azərbaycanlı bocciaçı Misirdə qalib gəlib

Yazar: Röya İsrafil. Tarix: 29 İyul 2026 12:34

BAYRAQDAR MEDİA – Azərbaycanın boccia üzrə milli komandasının üzvü Sona Ağayeva Misirin paytaxtı Qahirədə keçirilən Çellencer turnirində qızıl medal qazanıb.

Bu haqda xəbər BAYRAQDAR MEDİA-ya Azərbaycan Boccia İdman Federasiyasından daxil olub.

Xəbərdə qeyd edilir ki, “BC2 kateqoriyasında mübarizə aparan paralimpiyaçı S.Ağayeva həlledici görüşlərdə Portuqaliya təmsilçisi Monica Costa və Yeni Zelandiya idmançısı Chloe Sturt üzərində qələbə qazanaraq Çellencer turnirinin qızıl medalına sahib çıxıb”.

Qeyd edək ki, Qahirədə təşkil olunan Çellencer turniri Los-Anceles-2028 Yay Paralimpiya Oyunlarına vəsiqə uğrunda reytinq xalları qazandırır.

Bölmə: İDMAN

Röya İsrafil

Röya İsrafil 16 may 1991-ci ildə Saatlı rayonunda anadan olub. 2011-2015-ci illərdə Bakı Qızlar Universitetinin Jurnalistika fakültəsində təhsil alıb. Müxtəlif illərdə Dialoq TV, Yeni media, Agro TV, Qəbələ TV və s. internet kanallarında xəbərlər buraxılışının aparıcısı, MZ Production-ın layihəsi olan “Müasir Azərbaycan Gənci” (MAG) proqramında müxbir kimi işləyib. Eləcə də AMEA Mərkəzi Elmi Kitabxanasının İctimaiyyətlə əlaqələr və informasiya şöbəsində çalışıb. Həmçinin AzTV-nin nəzdində fəaliyyət göstərən Teleradio Akademiyasında təhsil alıb. Hazırda isə paralel şəkildə “Xalq Cəbhəsi” qəzetində və qəzetin eyniadlı saytında müxbir olaraq işləyir.

Yazarın başqa yazıları:

Bölmənin başqa yazıları: İDMANİDMAN bölməsinin başqa yazıları »