BAYRAQDAR MEDİA – Pamukkale Universitetinin Denizli Səhiyyə Xidmətləri Peşə Məktəbinin Dializ proqramı tərəfindən ikinci dəfə təşkil olunan “Dializ Texnikləri Musiqi Şənliyi”ndə 180 tələbə, eləcə də akademik və inzibati heyət üzvləri iştirak ediblər.
Bu barədə universitetin məlumatında qeyd edilib.
Məlumata görə, “Ənənəvi ritmimizi oyun və musiqi ilə birləşdiririk” mövzusunda keçirilən tədbirdə tələbələr musiqi, əyləncə və müxtəlif sosial fəaliyyətlər ətrafında bir araya gəliblər. Proqram çərçivəsində şeir dinlənilib, sosial media fenomenləri ilə müsahibələrdən ibarət videolar nümayiş olunub, həmçinin intellektual və ünsiyyət bacarıqlarını inkişaf etdirən oyunlar təşkil edilib.
Tədbirin sonunda Dializ proqramının tələbələrindən ibarət “Grup Yankı” musiqi qrupu çıxış edib. Şənlik təşkilatçılara və qrup üzvlərinə təşəkkür sertifikatlarının təqdim olunması ilə başa çatıb.
İlk şərhi yaza bilərsiniz