Daha bir uğur

Anadolu Universitetinin keyfiyyət yönümlü təhsil sistemi akkreditasiya ilə təsdiqlənib

BAYRAQDAR MEDİA – Türkiyənin Yüksək Təhsil Keyfiyyət Şurası (YÖKAK) Anadolu Universitetinə Korporativ Akkreditasiya Sertifikatını təqdim edib. Təqdimat mərasimində universitet rəhbərliyi və YÖKAK nümayəndələri iştirak ediblər.

Rektor Prof. Dr. Yusuf Adıgüzəl bildirib ki, akkreditasiya universitetdə təhsil, elmi fəaliyyət, idarəetmə və cəmiyyətə xidmət sahələrində keyfiyyətin davamlı inkişafının mühüm göstəricisidir.

Görüşdə ali təhsildə keyfiyyət təminatı sistemi və institusional inkişaf məsələləri müzakirə olunub. Qeyd edilib ki, akkreditasiya tələbələrin daha keyfiyyətli təhsil almasına, məzunların rəqabət qabiliyyətinin artmasına və universitetin beynəlxalq əməkdaşlıq imkanlarının genişlənməsinə töhfə verir