Şəkidə “Yay məktəbi”

Yazar: Röya İsrafil. Tarix: 30 İyul 2026 11:34

Şəkidə "Yay məktəbi"

BAYRAQDAR MEDİA – 3-5 avqust tarixlərində Şəki şəhər Uşaq İncəsənət Məktəbində 9-15 yaşlı uşaqlar üçün “Yay məktəbi” layihəsi həyata keçiriləcək.

Bu haqda xəbər BAYRAQDAR MEDİA-ya Mədəniyyət Nazirliyinin mətbuat xidmətindən daxil olub.

Xəbərdə qeyd olunur ki, “layihənin məqsədi uşaqların yaradıcılıq potensialının inkişaf etdirilməsi, onların incəsənətə marağının artırılması, rəqəmsal və bədii bacarıqlarının təkmilləşdirilməsi, eləcə də asudə vaxtlarının səmərəli təşkili üçün yaradıcı və öyrədici mühitin formalaşdırılmasıdır. Proqram çərçivəsində iştirakçılar rəqəmsal bacarıqlar, fortepiano, rəssamlıq, heykəltaraşlıq, ədəbiyyat və rəqs istiqamətləri üzrə ustad dərslərinə qatılacaq, açıq havada yaradıcı oyunlara qoşulacaq və layihə müddətində hazırladıqları işlərini sərgidə nümayiş etdirəcəklər”.

Bölmə: TƏHSİL

Röya İsrafil

Röya İsrafil 16 may 1991-ci ildə Saatlı rayonunda anadan olub. 2011-2015-ci illərdə Bakı Qızlar Universitetinin Jurnalistika fakültəsində təhsil alıb. Müxtəlif illərdə Dialoq TV, Yeni media, Agro TV, Qəbələ TV və s. internet kanallarında xəbərlər buraxılışının aparıcısı, MZ Production-ın layihəsi olan “Müasir Azərbaycan Gənci” (MAG) proqramında müxbir kimi işləyib. Eləcə də AMEA Mərkəzi Elmi Kitabxanasının İctimaiyyətlə əlaqələr və informasiya şöbəsində çalışıb. Həmçinin AzTV-nin nəzdində fəaliyyət göstərən Teleradio Akademiyasında təhsil alıb. Hazırda isə paralel şəkildə “Xalq Cəbhəsi” qəzetində və qəzetin eyniadlı saytında müxbir olaraq işləyir.

Yazarın başqa yazıları:

Bölmənin başqa yazıları: TƏHSİLTƏHSİL bölməsinin başqa yazıları »