Polşalı mütəxəssis azərbaycanlı gənc məşqçilərə seminar keçəcək

Yazar: Röya İsrafil. Tarix: 31 İyul 2026 11:56

BAYRAQDAR MEDİA – Bakıda növbəti məşqçilik seminarı təşkil olunacaq.

Bu haqda xəbər BAYRAQDAR MEDİA-ya Azərbaycan Boks Federasiyasından (ABF) daxil olub.

Xəbərdə deyilir ki, “ABF dəstəyi ilə bu il ikinci dəfə baş tutacaq təlimlərə beynəlxalq boks dərsliyinin müəllifi, təcrübəli polşalı mütəxəssis Adam Kusior rəhbərlik edəcək. O, Bakı Boks Mərkəzində əsasən yerli gənc məşqçilərə qaydalardakı dəyişikliklər, onların tətbiqi, məşq proseslərinin daha da təkmilləşdirilməsi ilə bağlı seminar keçəcək. Avqustun 3-9-da təşkil ediləcək təlimlər nəzəri və praktiki hissədən ibarət olacaq, ardınca məşqçi-müəllimlər imtahan verəcəklər”.

Seminara 30-dək çalışdırıcı qatılacaq. İmtahandan uğurla keçən iştirakçılara sertifikatlar təqdim olunacaq.

Bölmə: İDMAN

Röya İsrafil

Röya İsrafil 16 may 1991-ci ildə Saatlı rayonunda anadan olub. 2011-2015-ci illərdə Bakı Qızlar Universitetinin Jurnalistika fakültəsində təhsil alıb. Müxtəlif illərdə Dialoq TV, Yeni media, Agro TV, Qəbələ TV və s. internet kanallarında xəbərlər buraxılışının aparıcısı, MZ Production-ın layihəsi olan “Müasir Azərbaycan Gənci” (MAG) proqramında müxbir kimi işləyib. Eləcə də AMEA Mərkəzi Elmi Kitabxanasının İctimaiyyətlə əlaqələr və informasiya şöbəsində çalışıb. Həmçinin AzTV-nin nəzdində fəaliyyət göstərən Teleradio Akademiyasında təhsil alıb. Hazırda isə paralel şəkildə “Xalq Cəbhəsi” qəzetində və qəzetin eyniadlı saytında müxbir olaraq işləyir.

Yazarın başqa yazıları:

Bölmənin başqa yazıları: İDMANİDMAN bölməsinin başqa yazıları »