BAYRAQDAR MEDİA – Adana Alparslan Türkeş Elm və Texnologiya Universiteti beynəlxalqlaşma strategiyası çərçivəsində qlobal akademik əməkdaşlıqlarını genişləndirməkdə davam edir. Bu məqsədlə universitet nümayəndə heyəti İtaliyanın Kamerino Universitetində keçirilən 691-ci akademik ilin açılış mərasimində iştirak edib.
İtaliyanın Kamerino şəhərindəki Auditorium Benedetto XIII salonunda təşkil olunan tədbirdə universiteti rektor, professor Adnan Sözen və rektor müavini, professor Haşim Kelebek təmsil ediblər.
“Universitet olmaq, Avropanı qurmaq” mövzusunda keçirilən mərasim çərçivəsində KreatiEU layihəsi, ortaq akademik hədəflər və gələcək beynəlxalq əməkdaşlıq imkanları müzakirə olunub. Rektor Adnan Sözen Avropanın köklü universitetlərindən biri ilə birgə layihələr həyata keçirməyin və KreatiEU çərçivəsində əməkdaşlığın universitet və tələbələr üçün mühüm qazanc olduğunu bildirib.
İlk şərhi yaza bilərsiniz