BAYRAQDAR MEDİA – “İdman Dostu Kampus” tituluna malik Yakın Doğu Universitetində yeni mövsüm ərəfəsində məşqçilər üçün seminar keçirilib. Üzgüçülük, rəqs, tennis, basketbol, voleybol və badminton üzrə məşqçilərin qatıldığı tədbirdə idmançı psixologiyası, psixoloji sağlamlıq və nəticələrə təsir edən amillər müzakirə olunub.
Universitetin Sağlamlıq, Mədəniyyət və İdman İdarəsinin təşkil etdiyi seminarda müxtəlif müəssisələrdən olan məşqçilər də iştirak ediblər. İdman psixoloqu Gözde Acaray idmançıların psixoloji ehtiyacları və bunların məşq və yarış proseslərinə təsiri barədə məlumat verib.
Universitetin Sağlamlıq, Mədəniyyət və İdman İdarəsinin rəhbəri, dosent Hakan Atamtürk məşqçilər arasında təcrübə mübadiləsinin və əməkdaşlığın əhəmiyyətini vurğulayıb. O, idmançılarla etimada əsaslanan ünsiyyətin motivasiya və nəticələrə müsbət təsir göstərdiyini bildirib.
İlk şərhi yaza bilərsiniz