İdmançıların Özbəkistanda uğuru

Yazar: Röya İsrafil. Tarix: 30 Aprel 2026 12:43

BAYRAQDAR MEDİA – 10-14 may tarixlərində keçiriləcək Bakı-Xankəndi Azərbaycan Velosiped Yarışına hazırlaşan şose velosipedi üzrə yığma komanda Özbəkistanda təşkil olunan “Tour of Bostonliq” yarışında çıxışını başa vurub.

Bu haqda xəbər BAYRAQDAR MEDİA-ya Azərbaycan Velosiped İdmanı Federasiyasından daxil olub.

Xəbərdə qeyd edilir ki, “yarışın 163 km-lik 2-ci mərhələsi qrup finişi ilə yadda qalıb – fotofinişə əsasən yığma komanda üzvlərindən Tural İsrafilov 16-cı, Musa Mikayılzadə isə 18-ci olub. 1-ci mərhələdə finiş xəttini 4-cü keçən Musa 2 yarış gününün yekununa əsasən ümumi təsnifatda 4-cü nəticə göstərib və bununla da ölkə reytinqinə 20 təsnifat xalı qazandırıb”.

Bölmə: İDMAN

Röya İsrafil

Röya İsrafil 16 may 1991-ci ildə Saatlı rayonunda anadan olub. 2011-2015-ci illərdə Bakı Qızlar Universitetinin Jurnalistika fakültəsində təhsil alıb. Müxtəlif illərdə Dialoq TV, Yeni media, Agro TV, Qəbələ TV və s. internet kanallarında xəbərlər buraxılışının aparıcısı, MZ Production-ın layihəsi olan “Müasir Azərbaycan Gənci” (MAG) proqramında müxbir kimi işləyib. Eləcə də AMEA Mərkəzi Elmi Kitabxanasının İctimaiyyətlə əlaqələr və informasiya şöbəsində çalışıb. Həmçinin AzTV-nin nəzdində fəaliyyət göstərən Teleradio Akademiyasında təhsil alıb. Hazırda isə paralel şəkildə “Xalq Cəbhəsi” qəzetində və qəzetin eyniadlı saytında müxbir olaraq işləyir.

Yazarın başqa yazıları:

Bölmənin başqa yazıları: İDMANİDMAN bölməsinin başqa yazıları »