Elm mükafatları sahiblərinə təqdim olunub

Yazar: Nihat Göytürk. Tarix: 13 İyul 2026 15:52

Mərasimdən foto

BAYRAQDAR MEDİA – Dünyanın ilk 500 universiteti sırasında yer alan Yaxın Doğu Universitetində ənənəvi Elm Mükafatlarının təqdimetmə mərasimi keçirilib. Bu il onuncu dəfə təşkil olunan tədbirdə səkkiz əsas kateqoriya üzrə 118 alim mükafatlandırılıb.

Universitetin məlumatına görə, “Dr. Suat Günsel Şərəf Mükafatı Qızıl Medalı”na isə professor Şerife Zihni Eyüboğlu layiq görülüb. Mükafat ona YDÜ Himayəçilər Şurasının sədri professor İrfan Suat Günsel tərəfindən təqdim edilib. Tədbirdə hökumət nümayəndələri, universitet rəhbərləri və elm ictimaiyyətinin üzvləri iştirak ediblər.

Mərasimdə süni intellekt əsaslı akademik Prof. DUX-un videomüraciəti də nümayiş etdirilib. Çıxışlarda elmi fəaliyyətin təşviqi və beynəlxalq akademik uğurların artırılmasının əhəmiyyəti vurğulanıb.

Bölmə: TƏHSİL

Nihat Göytürk

1991-ci ildən jurnalistika ilə məşğul olur. Bir sıra qeyri-hökumət təşkilatlarının fəaliyyətində yaxından iştirak edib. 1993-cü ildən etibarən beynəlxalq təşkilatların ölkəmizdə keçirdiyi siyasi partiyalar, QHT sektoru, insan hüquqları, həmçinin jurnalistika ilə bağlı seminar, dəyirmi masa və treninqlərin iştirakçısı olub. Azərbaycanın daxili və xarici siyasəti, beynəlxalq münasibətlər, o cümlədən Türkiyə və Kuzey Kıbrıs Türk Cümhuriyyəti ilə bağlı çoxsaylı yazıların müəllifidir. Azərbaycan və türk dilində yazır və danışır. nihat@bayraqdar.info

Yazarın başqa yazıları:

Bölmənin başqa yazıları: TƏHSİLTƏHSİL bölməsinin başqa yazıları »