BAYRAQDAR MEDİA – Atatürk Universitetinin rektoru Prof. Dr. Ahmet Hacımüftüoğlu Super Liqada mübarizə aparan “Erzurumspor”un bazasına baş çəkərək klub rəhbərliyi, məşqçilər və futbolçularla görüşüb. Ziyarət komandanın Konyasporla qarşılaşmasından əvvəl keçirilib və futbolçulara mənəvi dəstək məqsədi daşıyıb.
Hacımüftüoğlu Erzurumun yüksək hündürlüyünün peşəkar idman baxımından mühüm üstünlük yaratdığını bildirib. O, Erzurumsporun Super Liqadakı mübarizəsinin yalnız idman uğuru kimi deyil, şəhərin birlik və həmrəyliyinin göstəricisi kimi də qiymətləndirilməli olduğunu deyib. Rektor komandanın potensialına, məşqçilərin təcrübəsinə və futbolçuların mübarizə əzminə inandığını vurğulayıb. O, Konyasporla keçiriləcək oyunda komandaya uğurlar arzulayıb.
Hacımüftüoğlu Atatürk Universitetinin Erzurumun sosial, mədəni və idman inkişafına töhfə verən bütün layihələri dəstəklədiyini bildirib.
İlk şərhi yaza bilərsiniz