Ağdam və Xocavənd sakinləri doğma yurdlarına qayıdıb

Yazar: Röya İsrafil. Tarix: 30 Oktyabr 2026 16:07

BAYRAQDAR MEDİA – Oktyabrın 30-da doğma yurduna yola salınan köç karvanı Ağdam şəhəri və Xocavənd rayonunun Quzeyxırman kəndinə çatıb.

Bu haqda xəbər BAYRAQDAR MEDİA-ya Qaçqınların və Məcburi Köçkünlərin İşləri üzrə Dövlət Komitəsinin (QMKİDK) mətbuat xidmətindən daxil olub.

Xəbərdə bildirilir ki, “bu mərhələdə Ağdam şəhərinə köçən 238 nəfərdən ibarət 70 ailəyə, Xocavəndin Quzeyxırman kəndinə köçən 34 nəfərdən ibarət 8 ailəyə mənzillərinin açarları təqdim edilib. Mərasimdə Ağdam, Füzuli və Xocavənd rayonlarında Prezidentin xüsusi nümayəndəliyinin, QMKİDK-nın nümayəndələri iştirak ediblər”.

Bölmə: VƏTƏNDAŞ CƏMİYYƏTİ

Röya İsrafil

Röya İsrafil 16 may 1991-ci ildə Saatlı rayonunda anadan olub. 2011-2015-ci illərdə Bakı Qızlar Universitetinin Jurnalistika fakültəsində təhsil alıb. Müxtəlif illərdə Dialoq TV, Yeni media, Agro TV, Qəbələ TV və s. internet kanallarında xəbərlər buraxılışının aparıcısı, MZ Production-ın layihəsi olan “Müasir Azərbaycan Gənci” (MAG) proqramında müxbir kimi işləyib. Eləcə də AMEA Mərkəzi Elmi Kitabxanasının İctimaiyyətlə əlaqələr və informasiya şöbəsində çalışıb. Həmçinin AzTV-nin nəzdində fəaliyyət göstərən Teleradio Akademiyasında təhsil alıb. Hazırda isə paralel şəkildə “Xalq Cəbhəsi” qəzetində və qəzetin eyniadlı saytında müxbir olaraq işləyir.

Yazarın başqa yazıları:

Bölmənin başqa yazıları: VƏTƏNDAŞ CƏMİYYƏTİVƏTƏNDAŞ CƏMİYYƏTİ bölməsinin başqa yazıları »